• INAUTERIAK

    Hauster egunaren aitzineko egunetan ospatzen da inauteria: Ortzegun gizena: goizean, zingar-arrautzen eskean etxez etxe ateratzen dira haurrak. Arratsaldean, Inudeak eta artzaiak dantzan aritzen dira. Larunbata: kauteren konpartsa. Igandea: Inudeak eta artzaiak, konpartsa. Mutikoak neskaz mozorrotzen dira, neskak, berriz, mutikoz. Hauek egiten duten dantzarekin batera, pertsonaia eta musikari xelebreen konpartsak laguntzen du. Astelehena: goizean, zingar-arrautzearen eskea egiten
    irakurri gehiago

  • BESTABERRI

    Bestaberri egunean prozesioa egiten da. Txistuz jotzen dute Alkate soinua, Berako airea, festa egun horretarako propio egina. Prozesioaren ibilbidean oihal bat zabaltzen da, eta iratzez estaltzen da gainerako lurra. Abarrez eta lorez apaintzen dira hormak. Txistuak jotzen duen doinuarekin batera mugitzen da herriko bandera.

  • LURRAREN EGUNA

    Lurraren Eguna urriaren laugarren igandean egiten da, Gure Txokoa elkarteak antolaturik. Gauza anitz izaten dira: artisauak, gazta eta sagardo lehiaketak, bertako produktuen erakusketa, musika, dantzak, etab.

  • SAN ESTEBAN ZAINDARIAREN FESTAK

    Abuztuaren 2tik 6ra ospatzen dira San Esteban zaindariaren festak (abuztuaren 3an, Doneztebe). Mota guztietako jarduerak izaten dira: musika, dantzak, herri kirola, donibane zuhaitza eta bertze ikuskizun batzuk. San Esteban egunean, santuaren omenezko meza nagusia ematen da, eta, jarraian, bordon dantza eta makil dantza dantzatzen dira. Arratsaldean, berriz, Berako aurreskua dantzatzen da.              

  • URTEZAHAR GAUA

    GLIN-GLAN: Urtezahar arratsaldean, auzoz auzo eskean ibiltzen dira haurrak. Leihoetatik fruitu idorrak, gozokiak, fruta, etab, botatzen dizkiete. DIOSTESALVEA: Abenduaren 31n, iluntzean, koplak kantatzen dira, urte zaharrari agur egiteko eta urte berriari ongietorria egiteko.

  • OLENTZERO

    Euskal mitologiako pertsonaia da ikazkin hori. Gabon egunean jaisten da menditik, eta haurrek gabon-kantak kantatzen dituzte. Iluntzean, helduen txanda heltzen da.