Berako Udala

Hurrengo azaroaren 21ean eta 22an, Hendaiako mugazgaindiko informazio jardunaldien bigarren edizioa ospatuko da. Ekitaldi honek garrantzi handia izango du herrialde mugakidean lan egiten duten edo lan egiteko aukera aztertzen ari diren pertsonentzat. Topaketa hau, Akitania-Berria Euskadi Nafarroa Euroeskualdeak antolatua, mugaren bi aldeetako administrazio publikoen laguntzarekin, funtsezko informazioa eskaintzea du helburu, mugazgaindiko langile eta enpresek dituzten eskubide eta betebehar laboralak argitzeko.

Bi jardunaldi hauetan zehar, eskumeneko erakunde publikoetako adituek informazio espezializatua eskainiko dute zerga-araudia, gizarte segurantza, erretiroa, lan-araudia, enplegu-bilaketa, gizarte-prestazioak eta mugazgaindiko enpleguarekin lotutako beste edozein gai argitu nahi dutenentzat.

ERAKUNDE ANTOLAKUNTZA ETA LANKIDETZA

Akitania-Berria Euskadi Nafarroa Euroeskualdeak, Gizarte Segurantzaren Institutu Nazionalarekin (INSS), Gizarte Segurantzaren Diruzaintza Orokorrarekin (TGSS), Gipuzkoako Ogasunarekin, Nafarroako Foru Ogasunarekin, LANBIDE, Nafarroako Enplegu Zerbitzuarekin, EURES Espainiarekin, Caisse Primaire d’Assurance Maladie (CPAM)rekin, Akitania Caisse d’Assurance Retraite et de la Santé au Travail (CARSAT)ekin, , Zergen zuzendariordetza orokorrarekin (DGFIP), URSSAFekin, France Travailekin eta Lan, Enplegu eta Solidaritateetako Sail Zuzendaritzarekin (DDETS), jardunaldi hau antolatuko dute Hendaian, mugaz gaindiko lankidetza sendotzeko eta eskualdeko langileei laguntza emateko asmoz.

LAN, ZERGA ETA GIZARTE ARLOETAKO ZALANTZAK ARGITZEKO ESPAZIOA

Ekitaldiak aukera emango du bi herrialdeen arteko zerga-araudia, gizarte segurantzaren estaldura, langabezia-prestazioak, lan-eskubideak eta erretiroa bezalako gai nagusiei erantzuteko.

Parte-hartzaileek hitzorduak adostu ahal izango dituzte Gipuzkoako Ogasuneko, Nafarroako Foru Ogasuneko eta DGFIPeko langileekin, mugazgaindiko zerga-araudiari buruzko gaiak argitzeko prest egongo baitira.

Enplegu-bilaketan, langabeziagatiko subsidioetan eta beste enplegu-zerbitzu batzuetan interesa dutenek LANBIDE, Nafarroako Enplegu Zerbitzua eta France Travailleko ordezkarien informazio zehatza jasotzeko aukera izango dute. Bestalde,  gizarte-eskubideak, osasun-laguntza edo erretiroa bezalako gaiak INSS, CARSAT, eta CPAMeko espezialistek argituko dituzte.

Kotizazioei edo kontratuen altari buruzko gaiak argitu behar dituztenentzat, TGSS eta URSSAFek informazio zehatza emango dute. Gainera, DDETSez arduratuko da mugaz gaindiko langileentzako aplikatzen den lan-zuzenbideari buruzko ikuspegi osoa eskaintzeaz.

MUGAZ GAINDIKO LANGILEEI LAGUNTZEKO KONPROMISOAREN ETA JARRAIPENAREN ALDE

Jardunaldi hauek POCTEFA EMPLEO (2016-2018) proiektuaren esparruan sustatutako lankidetzari jarraipena ematen diote, mugazgaindiko lankidetza eta informazio trukea hobetzeko oinarriak ezarriz, baita 2019an mugazgaindiko langileei zuzendutako lehen informazio jardunaldiak antolatzeko ekimenari ere. Orduan, ehun pertsona baino gehiago artatu ziren, eta horietatik %97k halako aukera informatibo gehiagoren beharra adierazi zuten. Edizio honen helburu nagusia lan horri jarraipena ematea da, informazio funtsezkorako sarbidea errazteaz gain, mugaren bi aldeetako administrazioen arteko lankidetza eraginkorragoa eta koordinatuagoa sustatuz. Horrela, baliabideak optimizatu eta mugaz gaindiko langileei eskainitako zerbitzuen kalitatea hobetu nahi da.

INFORMAZIO PRAKTIKOA

• Data:
  • Azaroak 21, osteguna: 09:30etik 13:00etara eta 14:30etik 17:00etara.
  • Azaroak 22, ostirala: 09:30etik 14:00etara.
• Lekua:
  • Akitania-Berria Euskadi Nafarroa Euroeskualdearen egoitza, Leku Eder kalea, 18. zenbakia, Joncaux industrialdea, 64700 – Hendaia.
• Izen-ematea eta informazio gehiago:

Aurretiko hitzordua eskatu behar da plataforma honen bidez: www.empleo-info.eu.

Jardunaldi hauek aukera paregabea dira mugaren beste aldean lan egiten edo lan egiteko asmoa duten pertsona ororentzat, zalantza guztiak argitzeko eta bere eskubide eta betebeharrak ezagutzeko aukera ematen baitute.

Gonbidapena